ولا الكلام الكان زمان
هسي كلامك
ولا يعني نويت تسيبنا
في الخريف تحرم غمامك
جينا بعد الفرقة نسأل
جينا نلقى محنة عندك
نحكي ليك عن ليل شقانا
وعن متاهات نجموا بعدك
نحن سالمناك بطيبة
وياما بكى عيونا ريدك
ليه زمان أديتنا ريدك؟
وجيت حرمتنا تاني ودك
وقلبنا الجرحت خاطروا
برضو ماقادر ملامك
ما سلامك
كنا قايلين بي ورانا إنت
زينا طاري ديمة
كنا قايلين نحن عندك
زي عيونك لينا قيمة
قلنا تتلقانا إنت
الزهور تحضن نسيما
إلا ريدك تاري روح
عدى فات زي كل غيمة
جينا ليك بابتسامة
إلا مالقينا إبتسامك
ما سلامك
جينا شايلين ليك فرحنا
كان عشمنا تزيدوا حبة
تطرى ناس فاقدين عيونك
بي وراك ماخلو غربة
قلنا ننسى تعب سفرنا
بالليالي معاك أحبة
جينا مالقينا في عيونك
ذكرى ساكت للمحبه
شلنا شوقنا رجعنا بيه
ماندمنا على سلامك
#وداعاً_مجذوب_أونسه
